kvasirlausnir-is

Snjallari rekstur með Checkit

Fri, 28 Nov 2025 17:52:10 GMT

Hvernig sjálfvirkni og aðgangsstýring umbreyta bílastæðarekstri

Öflug aðgangsstýring og kvótakerfi

Umsýsla í kringum fasta notendur, fyrirtæki og starfsmenn á stórum svæðum getur hæglega orðið óþægilega tímafrekt og umfangsmikið verkefni. Checkit leysir þetta með snjöllu kvótakerfi sem dreifir ábyrgðinni.

Gott dæmi um þetta er Höfðatorg en Þar starfa fjölmörg fyrirtæki sem deila aðgangi að svæðinu. Hvert fyrirtæki fær úthlutað ákveðnum kvóta af stæðum í kerfinu og getur stýrt því alfarið sjálft hvaða bílar hafa aðgang að þeim kvóta. Kerfið býður jafnvel upp á þann sveigjanleika að starfsmenn fyrirtækjanna haldi utan um sína eigin bíla sjálfir í gegnum viðmótið.

Rauntímagögn fyrir betri yfirsýn

Góð ákvarðanataka byggir á gögnum. Með Checkit veftólinu fá rekstraraðilar aðgang að ítarlegu mælaborði (dashboard) í rauntíma. Kerfið safnar sjálfkrafa saman upplýsingum úr myndavélakerfinu og greiðsluvélum og sýnir flæðið eins og það er hverju sinni.

Rekstraraðilar geta auðveldlega flett upp einstaka ökutækjum, séð stöðu þeirra og tekið út skýrslu sem sýnir heildarnýtingu svæðisins eftir tíma dags. Þetta gefur skýra mynd af því hvenær álagið er mest og hvernig notkun á bílastæðinu er á annatíma.

Sjálfvirkni sem lágmarkar handavinnu

Handvirk umsýsla í kringum bílastæði og innheimtu getur verið flókin og dýr. Checkit kerfið er hannað til að lágmarka þörfina á handvirkum afskiptum eins og kostur er.

Allt ferlið er sjálfvirkt. Frá því að myndavél greinir númeraplötu við komu, þar til greitt er í sjálfsala eða eftirá á checkit.is. Bakendinn sér um að para saman ferðir og greiðslur og uppfæra stöður. Fyrir vikið minn kar álag á þjónustuver og hætta á villum er lágmörkuð

Checkit gefur rekstraraðilum tæknina til að reka svæðin sín á mun skilvirkari og snjallari hátt en áður var mögulegt. Með sjálfvirkni og lágmörkun á handavinnu er einnig þörf á auka þjónustugjald eða "sektum" eytt. Ef ekki er greitt á staðnum er bíleiganda einfaldlega flett upp og hann fær bílastæðagjaldið sent í heimabanka að viðbættu seðilgjaldi sem er oft í kringum 100 krónur.

Framtíðin er stafræn

Með Checkit eru Kvasir lausnir að leiða þróunina í stafrænni bílastæðastýringu á Íslandi. Við höldum áfram að þróa kerfið reglulega og bæta við nýjum möguleikum byggðum á endurgjöf frá viðskiptavinum okkar.

Viltu sjá hvernig Checkit veftólið og kvótakerfið geta einfaldað þinn rekstur og minnkað handavinnuna? Hafðu samband við okkur hjá Kvasir lausnum í dag og við sýnum þér kerfið í virkni.

Bílastæði og bílastæðahús eru ekki lengur bara spurning um malbik, steypu og hlið. Í nútíma rekstri eru þau mikilvægur hluti af stafrænum innviðum fyrirtækja og stofnana. Hjá Kvasir lausnum höfum við lagt ríka áherslu á tækni og nýsköpun við þróun á Checkit, með það að markmiði að færa rekstraraðilum fullkomna stjórn, gagnsæi og sjálfvirkni.

Með vinsælustu ferðamannastöðum landsins

Fri, 24 Oct 2025 13:44:11 GMT

Álag á helstu ferðamannastaði Íslands á háannatíma getur verið gríðarlegt. Þegar þúsundir gesta mæta á sömu svæðin á stuttum tíma reynir verulega á innviði – og þá sérstaklega bílastæðastýringu. Hjá Kvasir lausnum höfum við þróað Checkit með það að markmiði að gera flókna flæðisstýringu einfalda, bæði fyrir rekstraraðila og gesti.

Mismunandi svæði kalla á mismunandi lausnir og sveigjanleiki Checkit sýnir sig best í ólíkum verkefnum okkar um land allt.

Ólíkar áskoranir – Sama snjalla grunnkerfið

Til að tryggja hnökralaust flæði höfum við sett upp fjölbreyttar útfærslur sem eru sérsniðnar að þörfum hvers staðar, þar sem myndavélar og greiðsluvélar vinna saman:

Þingvellir – Margskipt svæði með heildarstýringu: Í þjóðgarðinum þarf kerfið að halda utan um ólík og dreifð bílastæði. Þar er hvert og eitt stæði búið snjallmyndavélum og greiðsluvélum – samtals 6 greiðsluvélum á öllu svæðinu. Kerfið sé til þess að gestir geta greitt eitt dagsgjald sem gildir á öllum stæðunum, sem auðveldar þeim að færa sig á milli ef tiltekin stæði fyllast.
Seljalandsfoss – Hámarksnýtni á samnýttum stæðum: Við Seljalandsfoss er áskorunin önnur. Þar þjónar einn og sami inngangurinn tveimur stæðum í einu. Með því að samþætta myndavélakerfið við 3 greiðsluvélar á svæðinu tekst Checkit að tryggja hratt og öruggt flæði án þess að myndist tafir við inn- og útkeyrslu.

Stóri kosturinn við Checkit er að tæknin aðlagast landslaginu og þörfum rekstraraðila, en ekki öfugt. Hvort sem um ræðir stæði á mismunandi staðsetningu eins og á Þingvöllum eða samnýttri innkeyrslu eins og við Seljalandsfoss, þá keyrir allt á sama áreiðanlega grunninum. Kerfið tengist svo inn í bókhaldskerfi þar sem allar færslur eru lesnar inn.

Einn stærsti k osturinn fyrir ferðalangann er lausnin í kringum eftirá-greiðslur. Það getur verið auðvelt að gleyma sér í upplifuninni eða missa af greiðsluvél á staðnum.

Checkit leysir þetta á einfaldan máta: Gestir geta farið inn á checkit.is allt að degi eftir heimsóknina og gengið frá greiðslunni þar. Kerfið okkar vinnur úr gögnunum og tengir greiðsluna sjálfkrafa við ógreiddu ferðina.

Hjá Checkit leggjum við ríka áherslu á sanngirni og sendum aldrei sektir . Hins vegar er gott að hafa í huga að ef ekki er greitt á staðnum eða daginn eftir í gegnum vefinn, fer reikningur fyrir heimsóknargjaldinu sjálfkrafa á eiganda bílsins. Ef um bílaleigubíl er að ræða innheimta bílaleigurnar oftar en ekki sín eigin þjónustugjöld ofan á heimsóknargjaldið frá okkur. Með því að nýta checkit.is innan tímamarka komast gestir algjörlega hjá slíkum aukakostnaði.

Heildarlausn fyrir nútíma rekstur

Með því að tengja saman sjálfvirka númeraplötulestrar-tækni, sveigjanlegan vélbúnað á staðnum, veflausnina checkit.is og öflugt þjónustuborð, bjóða Kvasir lausnir upp á órofa þjónustu. Við sjáum um tæknina svo rekstraraðilar geti einbeitt sér að því að taka á móti gestunum sínum og byggt upp betri þjónustu á svæðinu.

Ef þú hefur áhuga á að heyra meira um hvernig Checkit getur hjálpað þínum ferðamannastað, hvetjum við þig til að hafa samband við okkur. Við hjálpum þér að finna hagkvæmustu og skilvirkustu leiðina fyrir þinn rekstur.

Núll streita: Greiddu daginn eftir á checkit.is

Höfðatorg

Wed, 27 Aug 2025 14:22:46 GMT

Höfðatorg er ein af umferðarþyngstu og fjölbreyttustu svæðum Reykjavíkur sem hýsir bæði stórar skrifstofubyggingar, verslanir, veitingastaði og ýmsa aðra þjónustu. Af þeim sökum er mikilvægt að tryggja bæði skilvirkt og auðvelt aðgengi að bílastæðum fyrir þá sem nýta svæðið. Við hjá Kvasir Lausnum erum stolt af því að vera að vinna að innleiðingu nýs sjálfvirks bílastæðakerfis á Höfðatorgi sem mun bæta notendaupplifun og auka skilvirkni á svæðinu.

Bílastæðahúsið notast við númeraplötulesara (ANPR) til að stýra aðgengi að bílastæðunum. Þetta þýðir að þegar bíll keyrir inn í bílastæðakjallarann, verður númeraplata hans skráð sjálfkrafa. Fyrirtæki verða með úthlutaðan bílastæðakvóta en fyrir umferð utan kvóta eða almenna umferð er hægt að greiða í þar til gerðum greiðsluvélum sem verða á svæðinu. Ef ekki verður greitt á staðnum þá sendist bílastæðagjald auk seðilgjalds í heimabanka eiganda bílsins.

Með þessu nýja kerfi sem verður þjónustað af Checkit verða bílastæðin úthlutuð hratt og ökumenn aðgengi að bílastæðum mjög skilvirkt. Við höfum hannað kerfið með það í huga að auka flæði bíla á svæðinu og bæta þjónustuna fyrir alla sem nýta Höfðatorg. Engar tafir, engin biðröð og engin sekt.

Aukalega höfum við samþætt greiðsluþjónustur frá EasyPark, sem gera það auðvelt fyrir ökumenn að greiða fyrir bílastæði beint í gegnum snjallforrit á símanum sínum og bæta þannig í fjölbreytileika leiða til að greiða. Fyrirhugað er að innleiða vefapp þar sem boðið verður að greiða fyrir stæði með QR kóða.

Sjálfvirka kerfið tryggir einnig aukið öryggi fyrir alla notendur. Með nákvæmri skráningu á bílnúmerum og sjálfvirkri úthlutun bílastæða er auðveldara að fylgjast með nýtingu bílastæðanna og tryggja að þau séu nýtt á sem bestan hátt.

Við erum spennt fyrir því sem þetta kerfi mun skila og hlökkum til að sjá breytingarnar sem það mun færa með sér fyrir notendur bílastæðanna á Höfðatorgi!

Dalvegur

Tue, 08 Jul 2025 16:49:31 GMT

Kvasir Lausnir sjá um aðgangsstýringu í hinu glæsilega D30 húsi

Í atvinnuhúsnæði eins og Dalvegi 30 er nauðsynlegt að stýra aðgengi á einfaldan en skilvirkan hátt. Lausn Kvasir Lausna er sérhönnuð til að mæta þessari áskorun og veitir fyrirtækjum og starfsfólki þeirra þægindi og fulla yfirsýn.

Við komuna að bílastæðasvæðinu tekur á móti notendum stór upplýsingaskjár sem sýnir í rauntíma stöðuna á lausum bílastæðum sem eru ætluð hverju fyrirtæki. Þetta kemur í veg fyrir óþarfa leit að stæði og bætir alla upplifun af komu í húsið. Að auki er kerfið byggt á sjálfsafgreiðslu þar sem fyrirtæki og einstakir starfsmenn geta sjálfir stjórnað sínum aðgangsheimildum í gegnum notendavænt vefsvæði.

Sem hluti af þessu verkefni var unnin umtalsverð þróunarvinna á stýringum fyrir hlið (bómur). Bætt hefur verið við virkni sem gerir umsjónaraðilum kleift að setja inn fastar tímaáætlanir (e. „schedule“) á hliðin. Með þessari viðbót er hægt að láta bómur opnast og lokast sjálfvirkt á fyrirfram ákveðnum tímum og dögum. Þessi sveigjanleiki gerir til dæmis kleift að hafa svæði opin yfir hefðbundinn vinnutíma en lokuð fyrir óviðkomandi umferð á öðrum tímum.

Við hjá Kvasir Lausnum erum stolt af því trausti sem okkur var sýnt í þessu verkefni og hlökkum til að sjá hvernig tæknilausnir okkar stuðla að hnökralausum rekstri og aukinni skilvirkni í hinu glæsilega D30 húsi.

Nýjar greiðsluvélar

Tue, 08 Jul 2025 16:40:05 GMT

Við hjá Kvasir Lausnum erum mjög spennt fyrir nýju greiðsluvélunum sem við höfum þróað og sett á markað. Þessar vélar eru hannaðar og smíðaðar hér á Íslandi og eru bæði fullkomnar og mjög einfaldar í notkun, til að tryggja bestu upplifun fyrir viðskiptavini okkar.

Notendavænar og einfaldar : Greiðsluvélar okkar eru hannaðar með notandann í huga. Með því að einfalda ferlið við að greiða fyrir þjónustu, geta viðskiptavinir borgað fyrir bílastæði, aðgengi að svæðum eða öðrum þjónustum á auðveldan og hraðan hátt.

Öruggar greiðslur: Vélarnar eru útbúnar með háþróaðri tækni sem tryggir örugga og skilvirka greiðslufærslu.

Lokað ferli og sjálfvirkni: Allar greiðslur fara fram í lokuðu og öruggu ferli. Með nýjustu tækni tryggjum við að viðskiptavinir fái hraðar og öruggar greiðslur, auk þess sem ferlið er sjálfvirkt og fer fram án þess að þurfa mannlega íhlutun.

Hannað og smíðað á Íslandi : Vélin er hönnuð og smíðuð með það í huga að veita sem bestan stuðning við íslenskar aðstæður og þola íslenskt veðurfar. Við leggjum mikla áherslu á að þróa lausnir sem henta okkar markaði og tryggja hámarks árangur með notandann í huga.

Tækniframfarir og Hagnýting : Vélarnar eru útbúnar nýjustu tækni, fullkomnum snertiskjá, posa frá Verifone.

Klæðning: Álklæðning greiðsluvélanna kemur frá Idex sem sker út með "cnc router" nánast upp á millimeter. Sem hluti af hönnuninni er P-merki skorið út í klæðninguna og upplýst með ljósgjafa, sem gefur vélinni fágað og nútímalegt yfirbragð.

Kirkjusandur

Tue, 08 Jul 2025 16:33:07 GMT

Kvasir Lausnir fagna enn einum stórum áfanga en Checkit bílastæðakerfið okkar hefur nú verið tekið í notkun í hinum glæsilega bílakjallara að Kirkjusandi. Um er að ræða einn stærsta og veglegasta bílakjallara landsins þar sem vandaður frágangur og hönnun eru í fyrirrúmi. Við erum stolt af því að bjóða notendum á svæðinu upp á fullkomna og notendavæna bílastæðalausn sem fellur vel að þessu metnaðarfulla umhverfi.

Innleiðing Checkit kerfisins á Kirkjusandi tryggir skilvirka og þægilega upplifun fyrir alla notendur, hvort sem um ræðir íbúa, starfsfólk fyrirtækja eða gesti.

Fyrir íbúa og fyrirtæki á svæðinu býður kerfið upp á einfaldar áskriftarleiðir. Í gegnum aðgangsstýrt stjórnborð geta notendur á auðveldan hátt skráð bíla sína og haft fulla yfirsýn yfir sína þjónustu. Þessi sveigjanleiki tryggir einfalda umsýslu og þægindi fyrir bæði einstaklinga og rekstraraðila á svæðinu.

Hugsað hefur verið fyrir öllum smáatriðum til að þjónustan sé sem aðgengilegust. Fyrir gesti hafa verið settar upp nýjar og sérsmíðaðar greiðsluvélar sem hannaðar voru með það fyrir augum að falla fullkomlega að nútímalegri og vandaðri hönnun bílakjallarans. Auk þess geta gestir nýtt sér hina vinsælu og einföldu lausn að greiða fyrir bílastæðið í gegnum EasyPark appið í símanum.

Við hjá Kvasir Lausnum erum afar ánægð með samstarfið og hlökkum til að þjónusta notendur á Kirkjusandi með þeirri framúrskarandi tækni og þjónustu sem einkennir Checkit bílastæðakerfið.

How to pay for parking

Fri, 09 May 2025 10:22:32 GMT

How to Pay for Parking at Checkit Sites Across Iceland

Travelers and locals visiting popular attractions in Iceland can now pay for parking at Checkit-managed sites through multiple convenient methods. These include online payments, on-site kiosks, and direct assistance via email.

Payment Methods

Visitors can choose from several payment options:

Online Payment: Access the payment portal at checkit.is/en/pay to pay parking fees.
On-Site Kiosks: Located at parking areas, these kiosks accept credit cards and provide payment receipts.
Email Assistance: For issues like incorrect payments or refunds, contact checkit@checkit.is with necessary details.

Notably, a single payment covers all parking lots at a specific location for the entire day, allowing for multiple entries and exits without additional charges.

Pricing Overview

Parking fees vary based on vehicle type and location. For instance:

Þingvellir National Park:
Private car (5 seats or fewer): 1,000 ISK
Large private car (6-9 seats): 1,200 ISK
Minibus (10-19 seats): 2,200 ISK
Large bus (20+ seats): 4,200 ISK
Seljalandsfoss:
Private car (8 seats or fewer): 1,000 ISK
Minibus (10-19 seats): 1,800 ISK
Large bus (20+ seats): 3,500 ISK
Hengifoss:
Private car (5 seats or fewer): 1,000 ISK
Large private car (6-9 seats): 1,500 ISK
Minibus (10-19 seats): 2,200 ISK
Large bus (20+ seats): 8,500 ISK
Ytri Tunga (Seal Beach):
Private car (5 seats or fewer): 650 ISK
Large private car (6-9 seats): 1,000 ISK
Minibus (10-19 seats): 1,800 ISK
Large bus (20+ seats): 3,600 ISK

Detailed pricing for each location is available on the Checkit pricelist .

Additional Information

Advance Payment: It's possible to pay in advance. For confirmation, contact checkit@checkit.is to ensure the payment is linked to the correct trip.
Incorrect Payments: If a payment was made for the wrong location or license plate, provide the necessary details to checkit@checkit.is for assistance.
Forgotten Payment: Forgot to pay? Visit checkit.is/en/pay to settle the fee and send the receipt to checkit@checkit.is for processing.

For more information or assistance, contact checkit@checkit.is .

Hengifoss

Fri, 09 Aug 2024 11:45:34 GMT

Kvasir hafa lokið uppsetningu á sjálfvirku bílastæðakerfi við Hengifoss.

Hengifoss í Fljótsdal er einn af þekktari áfangastöðum Austurlands og einn hæsti foss landsins. Byggt hefur verið glæsileg þjónustumiðstöð þar sem er góð gönguleið að fossinum.

Við göngustíg meðfram þjónustumiðstöð er greiðsluvél með posa klædd til að falla inn í umhverfið. En einnig er hægt að greiða fyrir heimsóknir á vefnum checkit.is

Settar voru upp tvær myndavélar við inn- og útkeyrslu á bílastæðinu sem sjá um bílanúmeragreiningu.

Seljalandsfoss

Fri, 26 Jul 2024 11:45:34 GMT

Kvasir hafa lokið uppsetningu á sjálfvirku bílastæðakerfi við Seljalandsfoss.

Fyrir var greiðsluvélar og posi. Skipt var út greiðsluvélum og settur nýir posar.

Settar voru upp tvær myndavélar sem sjá um bílanúmeragreiningu. En einnig er hægt að greiða fyrir heimsóknir á vefnum checkit.is

Opnun á Ytri-Tungu

Fri, 19 May 2023 11:45:34 GMT

Kvasir hafa lokið uppsetningu á sjálfvirku bílastæðakerfi við selaströndina á Ytri-Tungu í samvinnu við Lukkutanga ehf.

Góður undirbúningur var í verkinu og því gekk uppsetning vel og tók aðeins hluta úr degi.
Settar voru upp tvær myndavélar sem sjá um bílanúmeragreiningu ásamt greiðsluvél. En einnig er hægt að greiða fyrir heimsóknir á vefnum checkit.is

Hægt að sjá nánar um ströndina hjá Guide to Iceland

Selaströndin Ytri-Tunga

Fri, 19 May 2023 10:40:37 GMT

Við Ytri-Tungu á Snæfellsnesi er fjara sem er ólík mörgum öðrum hér á landi. Gylltur sandur og nánast öruggt að hægt er að sjá seli. Hægt að sjá meira á Tripadvisor um þessa skemmtilegur strönd.

Þessi vinsæli staður fær mikið af heimsóknum og til að standa straum að viðhaldi og uppbyggingu á bílastæði er hóflegt þjónustugjald komið á. Það er sönn ánægða hjá okkur sem standa að Kvasir að kerfið okkar sé á þessum frábæra stað. Með dagsferð á Snæfellsnesið frá Reykjavík er hægt að sjá marga ólíka hluti á einum degi.

Tvær myndavélar frá samstarfsaðila okkar Survision mynda alla umferð sem kemur niður á strönd og einnig þá sem kveðja. Greining á bílnúmeri gerir það að verkum að hægt er að greiða fyrir heimsókn í greiðsluvél við bílastæði eða á netinu á checkit.is.

Bílastæðið við Ytri Tungu er að sjálfsögðu tengt við Rental Relay kerfið, en Rental Relay kerfið er samstarfsverkefni Stefnu, Höldurs og Ferðamálastofu. Með því fá bílaleigur rukkun beint inn í kerfið sitt sem auðveldar þeim að ná til viðskiptavinar og fækkar handtökum.

Lukkutangi ehf er eingarhaldsfélag landeigenda Ytri-Tungu og Grenhóls sem eiga landið þar sem " Selafjaran við Ytri-Tungu" er og selirnir liggja all árið, Lukkutangi heldur utan um uppbyggingu og viðhald á því svæði sem ferðamennirnir fara um. Við hjá Lukkutanga ehf. kynntum okkur sambærileg verkefni áður en við lögðum í þessa vegferð, það var samdóma álit allra þeirra sem notuðu kerfi frá Kvösum að þar væri traustir aðilar og vandvirkir. Það var því auðveld ákvörðun hjá okkur að semja við Kvasir um greiningarkerfi fyrir bílastæðagjaldið hjá okkur.

Þorgrímur Guðmundsson, framkvæmdastjóri Lukkutanga ehf.

Aðgangsstýring í 201 smára

Tue, 16 May 2023 10:45:02 GMT

Kvasir og Klasi taka höndum saman um aðgangstýringu í 201 Smára.

Útboð Isavia

Mon, 06 Jun 2022 10:45:00 GMT

Kvasir tók þátt í útboði Isavia fyrir bílastæðin við Keflavíkurflugvöll.

Kvasir lausnir var eini íslenski bjóðandinn sem komast áfram í aðra umferð.
En metið var tæknilegt hæfi bjóðanda og þrír efstu komust áfram.